Julene Bouzo gaztea, Euskadiko txapelduna altuera jauzian

1,70 metrora zegoen listoiaren gainetik salto egin eta marka pertsonal berria ezarri zuen 20 urte azpiko kategorian

Julene Bouzo Agirregomezkorta 2021eko garaiera jauziko Euskadiko txapelduna da hogei urtetik beherako emakumezkoen kategorian (20 urte azpikoak). Ermuarrak titulua eskuratu du azken asteburuan, Anoetako pista estalian, Donostian jokatu den Euskadiko Txapelketa absolutuan. Bidezabal Durango Atletismo Taldeko atleta gazteak sailkapeneko lehen postua eskuratu zuen 1,70 metroko jauzia egin ondoren. Honekin, marka pertsonal hobetzea lortu zuen, ranking nazionalean bigarren postuan kokatzeraino.

Klubak jakinarazi duenez, Julenek parte hartze bikaina izan zuen, eta altuera ezberdinak lehenengo jauzian gainditu zituen. Gustura eta bere buruaz konfiantza sentitzeari esker, merezitako garaipena lortu izan zuen, aldez aurretik bera baino erregistro eta marka hobeak zituzten atleten aurretik geratuz. Orain, martxoaren 6an eta 7an Antequeran (Malaga) jokatuko den Espainiako Txapelketa prestatzen ari da. Ez da podiumera igotzen den lehen aldia, iazko urrian Tarragonan brontzeko domina eskuratu baitzuen. Zorionak! Eta segi gogor entrenatzen.