Aitzindari izandako Emakume zientzialariak aintzat eta gogoan

Ermuko bederatzi establezimenduk emakumezko ikerlari eta zientzialariak omentzen dituzte. Otsailaren 8tik 21era, Emakume eta Nesken Nazioarteko Eguna zientzian dela eta, erakusleihoak beren ikasketei buruzko dokumentazioarekin apainduta izango dituzte

Gaur ''Emakume eta neska zientzialarien Nazioarteko Eguna'' da, eta Ermuko bederatzi dendek bat egin dute bere garaian behar bezala baloratu ez ziren eta, horregatik, gure gizartean oro har oso ezezagunak diren aitzindarien omenaldiarekin eta aitorpenarekin. Bederatzi establezimenduk beren erakusleihoak apaindu dituzte beren memoria eta lanak gogoratzeko. Ekimena ''Bizilabe'' programaren barruan kokatzen da, gazteentzako jarduera zientifikoak eta teknologikoak egiteko aisialdiko jarduera. Ermuko Udalak eta Elhuyarrek, Merkataritza eta Ostalaritza Elkartearekin (EMOE) lankidetzan, #Escaparates 11F proiektua sustatu eta horretan laguntzen dute.

Establezimendu bakoitzeko erakusleihoa emakume zientzialari bati eskainiko zaio, eta zientzialariaren ilustrazioa eta informazioa erakutsiko dira bertan. Guztira 12 emakume omenduko dira. Gainera, zientzialariaren ikerketan inspiratuta apainduko da erakusleihoa. Horrela, merkatariak emakume zientzialarien bizitzaren eta lanaren dibulgatzaile bihurtuko dira, eta, gainera, emakumeek zientziari egin dioten ekarpena ikusarazten lagunduko dute. Horretarako, besteak beste, komertzio hauetan hainbat eskuorri banatuko dira, emakumeen ilustrazio eta aurkikuntzen laburpenekin.

Hauexek dira #ErakusleihoakO11 ekimenean parte hartzen duten saltokiak:

• Cocoliso: Mary Somervilleri eskainitako erakusleihoa
• Zapatxiki: Eunice Footeri eskainitako erakusleihoa
• Itze Optika: Berenice Abbotti eskainitako erakusleihoa
• Akerlei trebakuntza zentroa: Nettie Stevensi eskainitako erakusleihoa
• Solozabal Estankoa: Williamina Flemingi eskainitako erakusleihoa
• Sagardui poltsak: Barbara McClintock eskainitako erakusleihoa
• Kokko: Miriam Rothschildi eskainitako erakusleihoa
• Buenas Migas dastategi-okindegia: Dorothy Crowfooti eskainitako erakusleihoa
• Disdira apaindegia: Marie Tharpi eskainitako erakusleihoa

Horrez gain, Bizilabeko gazteek, prestatu dituzten hainbat ikus-entzunezko proiektatuko dituzte, COvid-19ak eragindako pandemiaren ondorioz zuzeneko esperimentuak egin ezinagatik. Horietan, emakumearen istorioa aurkeztu eta bere ikerketa-gaiarekin zerikusia duten esperimentua nola egiten den erakutsiko dute. Gainera, esperimentu hauek egiteko gonbita luzatu dute, behar diren materialak eta pausuak ongi azalduz. Pandemia gabeko urtean, saltokietan bertan egingo lituzkete esperimentuak. 

“#ErakusleihoakO11” webgunea 

Ekimen honen baitan multimedia edukia sortu da. Parte hartu duten saltokiak Bizilaberen Otsailren 11ren webgunean egongo dira ikusgai otsailaren 8tik aurrera. Ermuko mapan kokatuta ikus daitezke saltokiak. Horietan klik eginez, erakusleihoaren argazkia eta omendutako emakume ikertzailea zein den ikusteko aukera dago. Emakume ikertzaile hauen ilustrazioak ere webgunean eskegita egongo dira, euren istorioekin batera. Elhuyar Aldizkariak idatzitako istorio hauetan ikertzaileen bizitza, gertaerak eta asmakuntzak biltzen dira.

Ekimen honek Eusko Jaurlaritzaren eta Bizkaiko Foru Aldundiaren babesa du.