Tokiko merkataritzari buruzko azterketaren ondorioak aurkeztu dira

Ai!ene Design aholkularitza-enpresak, Ermuko Izarra Centre-n egoitza duenak, "Erosketak Ermuan" tokiko merkataritzari buruzko azterketaren ondorioak aurkeztu zituen astearte honetan. Sektorearen eta bere egoeraren erradiografia lortu nahi duen azterlana da, etorkizunari ondo kokatuta aurre egiteko estrategia bat taxutzeko gure gizarte aldakor honetan, bezeroaren nahiz horren ohiturak asko aldatu baitira. Hausnarketaren helburua herriko merkataritza-sare hori indartzea eta hurbileko saltoki horren eta gazteen arteko loturak indartzea da. Era berean, digitalizazio-prozesuan merkataritzari laguntzea, ekintzaile berrientzako esparru bat eskaintzea eta belaunaldi-erreleboko prozesuari ekitea. Gure saltokien lehiakortasuna hobetzea eta erosteko ohiturak ezagutzea, batez ere gazteenak. Saltokiak elkartzeko gune bat sortzea. Dokumentua Izarra Centreko auditorioan aurkeztu zen.

Txikizkako denda eta merkatariek une nahasiak bizi dituzte. Modelo eta erosketa-esperientzi berriek mehatxu handiak dira. Alternatiba horiei aurre egitea zaila da, egokitu gabe eta tresna berberekin lehiatu gabe. Gure erosteko ohiturak aldatu egin dira azken urteotan, baita bezeroen kopurua eta erosketa fisikoa edo aurrez aurrekoa ere. Internet eta digitalizazioa dena aldatzen ari dira: erronka handia izanik, prestakuntza, egokitzapena eta malgutasuna eskatzen dute. Aldi berean, aukera paregabea dira, oztopo fisikoak apurtzean salmenta-aukerak mugarik gabe zabaltzen baitituzte. Berrikuntza eta modernizazioa merkatura egokitzeko eta etorkizuna lortzeko bitartekoak dira. Digitalizazioak ematen dizkigun aukerak aprobetxatzea, negozio-eredu berriak prentsatzea, hala nola neurrira egindako zerbitzua, bioekonomia, ekonomia zirkularra, produktuen eta zerbitzuen pertsonalizazioa eta abar dira aukerak.

Hori horrela, jardunbide egokien benetako kasuen adibideak izateko, tokiko saltokietan arrakasta izan duten berrikuntza-kasuak aztertu dira. Hiru hilabeteko proiektua izan da, abenduan hasi zena. Ai!Ene Design-ek zuzenean lan egin du saltoki batzuekin, elkarrekin sorkuntzako saio bat egin du Ermuko gazteekin, eta, amaitzeko, jardunbide egokien jardunaldi hau prestatu, ondorioak aurkezteko. Ai!Ene enpresak erosleen profila identifikatu eta segmentatu du, adinaren edo belaunaldien arabera, eta erosketa-ohiturak aztertu ditu. Digitalizazioa funtsezkoa da eta ausartu beharra dago. Gazteek berehalakotasuna bilatzen dute eta Internetek proaktiboak izateko eta munduko merkatu batean egoteko aukera ematen du. Dokumentuak zenbait jarraibide edo gomendio jasotzen ditu, pdf dokumentuan zehaztuta daudenak eta Youtube gure kanaleko bideoan ikus daitezkeenak. Horiek biak ikustera gonbidatzen zaituztegu: