Kirol-instalazioetara sartzeko txartel berriak

Ermuko Udaleko Kirol Arloak abonatu eta ikastarogile guztiei jakinarazten die udal kirol instalazioetara sartzeko txartel berria eskuragarri dutela.

Txartel berritu horiek gaur egun erabiltzen direnak ordezkatuko dituzte inolako kosturik gabe, eta Miguel Angel Blanco udal kiroldegiko harreran jaso ahal izango dira, honako ordutegi hauetan:

• Astelehenetik ostiralera: 08:00etatik 21:00etara
• Larunbatak: 09:00etatik 13:00etara eta 16:00etatik 20:00etara
• Igandeak eta jaiegunak: 09:00etatik 13:00etara

Pase berriek Ermuko Udalaren kolore korporatibo granatea daramate, kupulen irudiarekin eta kirola egiten ari diren bi pertsonaren siluetekin batera.

Berrikuntza hau Udal Kirol Erakundea Ermuko Udalaren erakunde autonomo gisa desegin ondoren bertako kirol instalazioetan ematen ari den irudi aldaketaren ondorio da. Izan ere, joan den urtarrilaren 1etik aurrera, Udalak berak kudeatzen du udal kirol jarduera guztia. Horrela, pixkanaka Udalaren irudi korporatiboa instalazio guztietan integratzen ari da.