Lesbosko errefuxiatuei eta Zaporeak elkarteari laguntzeko erronkaren aurkezpen ekitaldia

Elikagaiak biltzeko eta ''Zaporeak'' GKEarekin lankidetzan aritzeko erronka solidarioaren edizio berria hartuko du eskualdeak, gerratik ihes egiten duten errefuxiatuei laguntzeko lan humanitarioan, Lesbosen kokaturik dauden (Grezian). Ekimenaren helburua elikagai ugari biltzea da, elikagai horiek Lesbosera bidaltzeko. Aurten, Ermuko eta Eibarko sukaldari sustatzaileekin batera, Elgoibar eta Mallabikoak ere izango dira.

Jesús González ostalariak, Mireia Alonso sukaldariak eta Maite Gorrotxategi merkatariak, besteak beste, edizioaren nondik norakoak aurkeztuko dituzte gaur arratsaldeko 7etan udaletxeko batzar aretoan egingo den agerraldian. Ekitaldi horretan Eibar, Elgoibar, Mallabia eta Ermuko alkateak ere izango dira. Aurretik, talde sustatzaileak, kolaboratzaileek eta boluntarioek argazkia aterako dute elizako arkupean. Eliza aurrean ekimenarekin bat egin nahi duten guztiei azalpenak emango zaizkie eta baita errifak eskaini.

Ermuko Orbe Kardinalaren plazan ''Tuper solidario'' deritzan jarduera egingo da apirilaren 17ko larunbatean. Bertan, 5 euroren truke bazkari-errazio ezberdin hainbat eskainiko dira. Elikagai bilketa aurreko astean egitea aurreikusi dute, apirilaren 12tik 17ra. Xehetasun guztiak gaur arratsaldean emango dituzte. Guk aurkezpen hori streaming bidez eskainiko dugu zuzenean Youtubeko gure kanal korporatiboaren bidez, jarraitu nahi duten guztientzat, Covid-19 pandemiaren ondorioz aretoko edukiera mugatua baitago.