‘Ermua Kirolak’, udal kirol instalazioetako bonuak eta erreserbak kudeatzeko app berria

Ermuko Udaleko Kirol Arloak Ermua Kirolak mugikorretarako aplikazioa aurkeztu du, udal kirol instalazioen erabiltzaileentzako tresna berria.

Doako app bat da, eta hainbat eragiketa egiteko aukera ematen du, hala nola kirol-instalazioak alokatzea eta, hala badagokio, ordaintzea, ikastaroetan alta edota baja ematea, premium jardueretarako plaza erreserbatzea, kontratatutako bonuak kontsultatzea eta datu pertsonalak eguneratzea.

Udal instalazioetara abonatutako pertsona guztiek erabil ditzakete Ermua Kirolak aplikazioa, NANa edo kiroldegiko txartel-zenbakiarekin identifikatuz. Aplikazioa sei multzo handitan egituratu da, kudeaketak arin eta modu intuitiboan egin ahal izateko: nire datuak, abonuak, kirol-ikastaroak, erreserbak, premium jarduerak eta bonuak. Kexa eta iradokizunen atal bat ere badu, herritarrek Udaleko Kirol Arloari ekarpenak egin ditzaten.

Ekintza honen helburu nagusia administrazioa udal kirol instalazioen erabiltzaileengana hurbiltzea da, euren gestioak erraz egin ditzaten mugikorraren bitartez, kirol-zentrora joan edo deitu behar izan gabe.

Ostiral honetatik aurrera, maiatzak 14, eskuragarri egongo da Android (Play Store) eta iOS (App Store) gailuetan, Ermua Kirolak izenarekin.

Aplikazioaren aurkezpena ikus daiteke, erabiltzeko jarraibideekin, lerro hauen azpian uzten dizuegun bideoan (4. puntua, 1:20 minututik aurrera).