Etxarte zeharbideko bidearen zati bat hiru egunez itxita egongo da

Lomipower eremuko euri-urak Diputazio kalean ibaiarekin lotzen diren arte bideratzeko obrek, Zearkale kalearen eta Etxarte zeharbidearen bitartez, aipatutako zeharbidearen zati bat hiru lanegunez itxita edukitzea eskatzen dute. Zehazki, biharko 8:00etatik -maiatzaren 26tik- datorren ostiraleko 18:00etara. Ibaiarekiko elkargunean, 4 metroko sakonera duen putzu bat egin behar da. Lan horren ondorioz, ibilgailuen eta pertsonen trafikoa eten behar da, zereginak segurtasun-baldintzetan egin ahal izateko. Enborrarekin konektatzeko putzu hori instalazio asko igarotzen diren gune batean egin behar da, besteak beste, gas naturalaren hodi orokorra. Hala erabaki eta koordinatu du udal bulego teknikoak obra zuzendaritzarekin.

Obraren ezaugarriak direla eta, beharrezkoa da hondeamakina bat erabiltzea, eta, beraz, Etxarte Zeharbidera Diputaziotik sartzeko zati batean ibilgailuen trafikoa moztu beharko da, hiru egunez, maiatzaren 26tik 28ra, bi horiek barne. Zeharbide horretan dauden garaje eta aparkalekuek eta inguruko saltokietarako zamalanek Zearkaletik sartu eta irten beharko dute, irekita eta erabiltzen den zatiak bi noranzko izango baititu. Afekzioa behar bezala seinaleztatuta dago, eta inguruko bizilagunen komunitateei jakinarazi zaie, afektatutako garajeetako ateetan eta inguruko atarietan egoera horren berri ematen duten kartelen bidez.

Kaleko gainerako aparkalekuak zerbitzuan mantenduko dira, afekzioak ahalik eta eragin txikiena izan dezan, ez baitute arriskurik izango. Udaleko arlo teknikoak laguntza eta arreta eskatu du, eta eragozpenak barkatzeko baita ere.