Kirol sailak instalazioen ordutegia luzatuko du udako nahiz neguko asteburu eta jaiegunetan

Datorren ekainaren 19tik aurrera, kiroldegian, Aritzmendi pilotalekuan eta padelean

Udal Kirol sailak kiroldegiaren, Aritzmendi pilotalekuaren eta padel pisten ordutegia luzatuko du larunbat, igande eta jaiegunetan, eta goizeko ordutegia ordu 1 eta erdiak arte ezarriko du, ekainaren 19ko larunbat honetatik hasita.

Hori horrela, larunbatetik aurrera ordutegia ondorengo hau izango da:

• Larunbatean: goizez 9etatik ordu 1 eta erdietara eta arratsaldez 4etatik 8etara
• Igande eta jai-egunetan: 9etatik ordu 1 eta erdietara.

Neguan: azaroaren 1etik martxoaren 31ra, instalazioak igande arratsaldetan ere irekiko dira

Instalazio horien ordutegia luzeagoa izango da neguan, eta igande arratsaldea, arratsaldeko 4etatik 8etara ere, zabalik izango dira.

Neurriak pertsonen beharretara egokitzea du helburu, eta adin guztietako biztanleei kalitatezko kirol-aisialdiaz gozatzeko aukera ematea. Bi helburu nagusi ditu: alde batetik, bizimodu aktiboa eta osasungarriaren sena barneratzea eta mantentzea. Eta, bestetik, familiei kirol-espazio estaliak izateko aukera ematea, jarduera partekatu edo bateratuez gozatzeko.