Larrialdi-simulakro batean kiroldegia hustu da

Ermuko kiroldegia jendez hustu egin dute gaur goizean, instalazioak duen Larrialdi Plana hobetzeko praktika erreala eginda. Goizeko 11:00ak aldera, eta aldez aurretik inori abisatu gabe, larrialdiko alarma jo du kontrol zentroak, eta megafoniaz igorri du eraikina ahalik eta arinen hutsik uzteko agindua. Bertako langileek ebakuazio-agindua helarazi diete barruan zeuden erabiltzaileei, eta kanpoko elkarguneraino gidatu dituzte. Erabiltzaileek kirola egiten zeuden moduan atera dira. Udaltzaingoak pertsonak husteko eta artatzeko prozesua koordinatzen lagundu du.

Laneko Arriskuen aholkularitzako teknikari batek kronometratu egin du eraikina segurtasunez husteko behar izan den denbora, bai eta pertsonak zenbatzeko lanak, aretoan hutsik geratu izanaren egiaztapena, gasa, argia eta hornidura abarren prebentziozko itxiera eta egon daitezkeen arrisku-egoeretan ezarritako gainerako protokolo guztiak betetzen zirela ere. Hori guztia txosten batean jaso da. Txosten horrek proba balioetsiko du, eta hobekuntza-neurriak edo -ekintzak proposatuko ditu, kasu bate errealean operatiboa egokiena izan dadin pertsonen segurtasuna eta bizitza bermatzeko.

Zentroko langile guztiak, abonatuak eta erabiltzaileak San Pelaio parkean dagoen gune seguruan elkartu dira. Kiroldegiko langileek Larrialdi Planari buruzko prestakuntza espezifikoa jaso berri dute. Gaur egun, teoriatik praktikara igaro dira, guztion ongizate eta segurtasunerako.

Igerileku handia berriz irekita

Kirol alkorrak jakinarazi duenez igerileku handia bihar, uztailak 3, prest eta zebitzuan egongo da erabiltzailentzat.