Hobekuntza lanak Lobiano Kultur Guneko eta Ermua Antzokiko instalazioetan

Ermuko Udalak Lobiano Kultur Guneko eta Ermua Antzokiko kultur instalazioak hobetzeko eta egokitzeko lanak hasiko ditu uztail honetan zehar.

Lan horien helburua da bi instalazioetan erabiltzaileentzat erosotasuna hobetzea eta pasatu den neguan antzemandako hezetasunek kaltetutako eremuak konpontzea.

Zehazki, hobekuntza lanak bi eraikinetako berokuntza-instalazioetan, hezetasunak nahiz ohiko erabilerak hondatutako eremuen saneamenduan eta pintaketan, eta Ermua Antzokiko aireztapen-sistemako iragazkietan egingo dira.

Obrak irailean amaitzea espero da, abuztuan ohikoa den jarduera murrizketa aprobetxatu eta, horrela, instalazioak erabiltzen dituzten pertsonek jasan ditzaketen kalteak ahalik eta gehien murrizteko.

Konponketa lan horien zenbatekoa, guztira, 29.500 eurokoa da. Kopuru hori 2021eko udal-aurrekontuan sartu da Alkatetza dekretu bidez onartutako kreditu gehigarrien 3. aldaketarekin.