Irantzu Varelaren bakarrizketa feminista Lobiano Kultur Gunean

SETEM – Baloreen Faktoriak eta Ermuko Emakumearen Topaguneak No hay matriarcado ni en el supermercado ekitaldia antolatu dute, Irantzu Varela ekintzaile feminista ezagunaren gaztelaniazko bakarrizketa. Emanaldia datorren asteazkenean, azaroak 17, arratsaldeko 18:30etan izango da Lobiano Kultur Gunean.

Umoretik, baina baita oso serio ere, sistemak bultzatzen gaituen kontsumo-moduei helduko die Varelak. Kontsumismoa, genero-estereotipoak, indarkeria eta esplotazioa elkarri lotuta egongo dira esaneko feminitatearekin, maitasun erromantikoaren asmakuntzarekin eta hiltzen, pobretzen eta erotzen gaituzten zaintza-ereduen inposaketarekin.

Bakarrizketarako sarrera doakoa da, baina edukiera dela eta, lekua erreserbatu beharko da 943 17 10 30 telefonora deituz edo casadelamujer@udalermua.net helbidera mezu bat idatziz. Ekitaldian zehar, Covid-19aren aurkako higiene-neurriak mantendu beharko dira, hala nola maskara eta esku-gelaren erabilera.

Bizkaiko Foru Aldundiak diruz lagundutako jarduera hau SETEMek eta Udaleko Berdintasun Arloak elkarrekin egiten duten lan eskergaren barruan kokatzen da, indarkeria matxistarik gabeko kontsumo baten alde sentsibilizatzeko eta gure ohiko kontsumo-sisteman emakumeenganako indarkeria mota horren presentzia handia ikusarazteko, askotan oharkabean pasatzen baita.

Nabarmentzekoa da Ermuko Indarkeria Matxistaren aurkako Planak 5 ekintza-eremu biltzen dituela; horien artean, sentsibilizazio- eta prebentzio-eremua, gaiari buruzko informazioa ematea eta sentsibilizatzea, gaiari buruzko informazio guztia zabaltzea eta horretarako egokitzat jotzen diren tresnen bidez egitea bilatzen duena. Bakarrizketa hau gaiari umorezko hurbilketa bat da, eta kontsumoarekin – errealizazioa, ekoizpena, salmenta, publizitatea, etab. – lotutako elementuak azalduko dizkigu, beti detektatzeko gai ez garenak.