Doako Yoga Txiki klasea kiroletako bazkide diren 6 eta 12 urte arteko haurrentzat

Ermuko Udaleko Kirol Alorrak Yoga Txiki masterclassa antolatu du bazkide diren 6 eta 12 urte arteko umeentzat. Vanessa Lopez irakasleak gidatuko du saioa igande honetan, azaroak 21.

Yoga gure gorputza, arnasketa eta garuna, guztia aldi berean, aktibo mantentzeko modua da. Gainera, yoga egitean oso ongi sentitzen gara!

Jarduera hau doakoa da, eta udal kirol zerbitzuetan abonatuta dauden umeek bakarrik parte hartu ahalko dute bertan. Miguel Angel Blanco kiroldegiko 4A aretoan emango da klasea, adin taldeen arabera bereizitako bi ordutegitan:

• 2012 eta 2015 urteen artean jaiotako haurrak (6-9 urte): 10:00etatik 11:00etara
• 2009 eta 2011 urteen artean jaiotako haurrak (10-12 urte): 11:00etatik 12:00etara

Plazak mugatuak dira, eta saioetan parte hartzeko beharrezkoa izango da aurrez izena ematea 943 17 90 90 telefono zenbakira deituta. Animatu zaitez!

• Yoga Txiki kartela