Gabonetako mahai-apaingarrien IX. lehiaketa abian

Ermuko Minbiziaren aurkako Elkarteak antolatuta

Ermuko Minbiziaren aurkako elkarteak Gabonetako mahai-apaingarrien bederatzigarren lehiaketa prestatu eta deitu du. Ermuko pertsona guztiek parte hartu dezakete ekimen honetan; lanak eraikitzeko erabilitako materialek 12 eurotik gora balio ez izatea eta gorostia ez erabiltzea dira bi baldintza bakarrak. Talde berezitu bi daude; adinez nagusi diren pertsonentzat eta haurrentzat (5 urtetik 11ra bitarteko gaztetxoentzat).

Lehiaketan parte hartu nahi duten pertsonek Merkatu Plazan entregatu beharko dituzte euren lanak abenduaren 20an eta 21ean, 10:30etik 12:30era edo 17:00etatik 19:30era, edo bestela abenduaren 22an, 10:30etik 12:30era.

Herriko merkatariek osatuko dute epaimahaia, eta abenduaren 22an, asteazkena, arratsaldeko ordu 2etan jakinaraziko dute erabakia. Jarraian sariak banatuko dira helduen kategorian hautatutako hiru lanei eta 5-11 urte artekoen kategoriak aukeratutako beste hiru apaingarrien artean.

Ekimen honekin irabazi asmorik gabe lankidetzan aritzen diren Ermuko merkatariek eskainitako opari ezberdinak jasoko dituzte irabazleek. Gainera, parte-hartzaile guztien artean beste opari batzuk ere zozketatuko dira.

Lehiaketara aurkezten diren lan guztiak ikusgai izango dira Merkatu Plazan abenduaren 23an, 10:30etik 12:30etara eta 17:00etik 19:30etara. Hala erabakitzen duten parte-hartzaileek antolatzaileen esku utzi ditzakete euren mahai-apaingarriak, horiek saldu ahal izateko. Salmentatik lortzen den diru guztia Bizkaian minbizia duten pertsonei eta euren familiei laguntzeko antolatzen dituen programa eta egitasmoak finantzatzeko erabiliko da.