COVID ziurtagiria nahitaezkoa da kirol- eta kultura-instalazioetara sartzeko

Lehendakariaren abenduaren 14ko 47/2021 Dekretua betez, zeinaren bidez Covid ziurtagiria eremu berrietara, jardueretara eta leku itxietan edo jende asko biltzen den lekuetan aurkezteko betebeharra zabaltzen baita, kultura eta kiroletako udal-instalazioek hori eskatzen dute atzotik, indarrean jarri zen egunetik. Gainera, nahitaezkoa da instalazioetan maskara jantzita sartzea eta uneoro behar bezala jantzita eramatea. Eusko Jaurlaritzak, Irekia atariaren bidez, zehatz-mehatz azaldu du zer den EBko Covid Digitala ziurtagiria.

Baldintza berdina da instalazio guztietan. Hiru COVID ziurtagiri baliodun daude:

• Txertaketa-ziurtagiriak: dosi 1 edo 2 jaso dituzten pertsonak.
• Osatze-ziurtagiria: PCR positibo bat izan eta hurrengo11-180 egunera gaixotasuna igaro duten pertsonak.
• Proba negatiboaren ziurtagiria: antigenoen proba batean 48 ordu lehenago eta PCR proban 72 ordu lehenago diagnostiko negatiboa duten pertsonak.

Kirol-instalazioetan -MAB eta Betiondo kiroldegian- nahitaezkoa da Europar Batasunaren Covid Ziurtagiri hori digitalean (QR) edo inprimatutako paperean erakustea, identifikazio pertsonaleko dokumentu batekin batera, 12 urtetik gorako erabiltzaileentzat. Erabiltzaileek behin bakarrik aurkeztu beharko dute ziurtagiri hau. Zure datuak ez dira inongo basetan erregistratuko edo gordeko.

Ziurtagiria nahitaezkoa da, halaber, Antzokian eta Lobianoko jarduera eszenikoetan

Udal Kultura Sailak ere neurriak ezarri ditu, eta COVID ziurtagiri hori aurkeztea eskatzen du, deskribatutakoaren arabera, Ermua Antzokiko eta Lobianoko ekitaldi eta jardueretara sartu ahal izateko, kasu honetan, auditoriumeko jarduera eszenikoetara.

EBko COVID ziurtagiri digital hori deskargatuta lor daiteke, dagokion QR kodearen bidez edo https://www.euskadi.eus/covid-digital-ue/web01-a3korona/es/webgunean.

Eusko Jaurlaritzak, halaber, jaso dituen kontsultak eta zalantzak argitzen dituen agiri bat dauka.