Gabonetako apaingarri berriek argitu dute Orbe Kardinala plaza

Ermuko Udalak eta Ermuko Merkataritza eta Ostalaritza Elkarteak Orbe Kardinalaren plaza apainduko duten Gabonetako argiak estreinatu dituzte asteazken honetan, hilak 15.

Zalditxo kulunkari bat eta tren bat dira elementu berriak, eta gure herria argiztatu eta umeak ilusioz beteko dituzte egun seinalatu hauetan.

Elementu horiek jatorrian jarritako hartza ordezkatzen dute, abenduaren 3tik 4ra bitarteko gauean kalteak izan baitzituen, Zubiaurreko gaztaina postua eta Kaltxango plazako zuhaitza bezala, ikertzen ari diren ekintza bandaliko batzuetan.