Euskadiko eskubaloi selekzio taldeek Ermuan entrenatuko dute otsailean eta martxoan

Ermua geografikoki ondo kokatuta dago Erkidegoko lurraldeen artean erdian, komunikazioa onak izanik, eta horrek kirolariak eta familiak joan-etorriak erraztu egiten du

Euskal Eskubaloi Federazioak eta Ermuko kirol alorrak lankidetzan jarduteko akordiora iritsi dira, euskal elkarteetatik maila ezberdinetako selekzio taldeetan parte hartzeko jokalariek gure herrian entrena dezaten aurtengo otsailean eta martxoan. Elkarren segidako sei igandetan, beren klubetan nabarmentzen diren promes gazteek saio teorikoak, teknikoak eta fisikoak egingo dituzte elkarrekin, ezagutzak finkatzeko eta talde blokea sendotzeko.

Entrenamendu saio horiek Miguel Angel Blanco kiroldegian egingo dira aipatutako bi hilabete horietako 13, 20 eta 27. Egunetan. Kasualitatea handia bada ere, hilabete bietan aukeraturiko hiru igandeek datako digitu berbera dute. Entrenamendu-saioak arratsaldez izango dira, 15:30etik 20:00etara bitartean. Instalazioa eta harmailak irekita egongo dira, saio horiek jarraitu nahi dituzten familien eta, oro har, herriko zaleen eskura. Sarrera librea eta doakoa izango da.

Ondorengo hauek dira otsailerako deitutako taldeak:

• Otsailak 13: haur mailako taldeak (emakumezkoak eta gizonezkoak). Gizonezko kadeteak.
• Otsailak 20: haur mailako emakumezko - Kadete eta gazte mailako gizonezkoak.
• Otsailak 27: haur mailako gizonezkoak - Kadeteak eta jubenilak emakumezkoak.

Martxoko taldeak zehazteke daude oraindik.