Areto futboleko euskal selekzioek sei igande jarraian entrenatuko dute Betiondon

Areto futboleko Euskadiko selekzioek sei igandetan jarraian entrenatuko dute Ermuan, Betiondoko instalazioetan hain zuzen ere. Selekzioa igande honetan, otsailaren 27an, martxoaren lau igandeetan eta apirilaren lehenengoan arituko da. euskadiko Futbol Federazioa eta Kirol Saila akordio batera iritsi dira eta Ongaraiko pabiloia sei egun horietako goiz eta arratsaldeetan irekiko da.

Euskadiko Futbol Federazioak Miguel Angel Blanco kiroldegiaren pista erabiltzea eskatu zuen, baina ezinezkoa izan da eskaera aintzat hartzea, martxoaren 6 Jiu-jitsua jardunaldia egongo delako eta Euskal Eskubaloi Selekzioaren entrenamenduetarako konprometituta eta erreserbatuta dagoelako.

Areto futboleko zuzendaritzak Ermua aukeratu du bere kokapen estrategikoagatik, geografikoki Erkidegoko hiru lurraldeen artean ondo komunikatua eta distantzia berdintsura baitago, eta horrek kirolarien eta bere familien joan-etorria errazago egiten du. Baita instalazioen egoera txukun eta zainduagatik ere.

Hauek dira deitutako taldeak:

• Otsailak 27; martxoak 6,13, 20 eta 27 eta apirilak 3: infantil mutikoak 17:00etatik 19:00etara.
• Martxoak 6 eta 13: mutiko alebinak, 10:00etatik 12:00etara.
• Martxoak 20 eta 27: neska eta mutil alebinak, 10:00etatik 13:00etara.
• Apirilaren 3a: neska alebinak, 10:00etatik 12:00etara.