Herriko ikastetxeek 'Korrika txikia' gauzatuko arratsaldean

Ermuko ikastetxeek gaur arratsaldean ''Korrika txikia'' ekimena gauzatuko dute, datorren astean hasiko den 22. Korrikaren baitan. Arratseko hiruretatik aurrera izango da, eskola-jardunaldiaren bigarren zatian. Ikastetxeek herriz herriko ibilbidea egingo dute, euskararekiko eta ekimenarekiko babesa eta konpromisoa erakusteko. Ekitaldia Orbe Kardinalaren plazan amaituko da eta bertan ''Korrika Kulturaleko'' ekitaldiek jarraituko dute. Laurak aldera, "Porrotx" pailazoa plazan izango da eta ikasle gaztetxoekin azken koreografian parte hartuko du, ''Ermua Bagara'' abestuz. Ondoren, dantzak eta eskulanak izango dira, ''Antxitxiketan'' aisialdi taldearen laguntzarekin. Amona taldeak txokolatea eta bizkotxoak eskainiko ditu.

''Pirritx, Porritx eta Marimotots'' pailazoek ''Kuikui'' ikuskizuna aurkeztuko dute Antzokian, 17:00etan eta 19:00etan.

Gazte mugimenduak, berriz, eztabaida eta poteoa egingo du, kolektiboak dituen arazoak aztertzeko. Gaueko 9etatik aurrera euskaraokea egingo dute Eskilarapekon.

Hogeita bigarren edizioa aurkezteko ekitaldia

Bestalde, herriko koordinazio-batzordeak atzo arratsaldean aurkeztu zuen edizioa. Ekitaldi horretan, datorren ostiraleko Korrikarako petoak erosi ahal izan ziren; irudi-horman argazkiak atera eta eskutik eskura pasatzen den lekukoan doan mezua entzun ahal izan zen. Ekitaldian herriko elkarteetako ordezkariak eta hainbat gizarte-eragile bildu ziren. Besteak beste, Harri Araiztegi euskara zinegotzi ordezkaria, Jol Gisasola taldekidea, Beatriz Gamiz edo José Manuel López alkateordeak, eta Paul Yarza zinegotzia