‘Guraso Eskola'ren aurtengo edizioak bost saio izango ditu

''Guraso Eskola'' programak bost saio iragarri ditu 2021/2022 ikasturterako, haurren adinaren edo ikastaroaren araberakoak. Lehenengo hitzaldia apirilean izango da, 0-2 urteko seme-alabak dituzten gurasoentzat. Ondorengoak maiatzean izango dira, elkarren segidako lau astetan.

Ekimena Lehen Hezkuntzako ikastetxeetako hezkuntza-komunitateari zuzenduta dago. Tokiko Gizarte eta Hezkuntza Mahaiak bultzatzen du, eta gurasoei eta profesionalei adingabekoen gizarte- eta hezkuntza-garapena bultzatzeko tresnak emateko helburuari erantzuten dio.

Udal honek antolatzen du programa eta IGEen eta ikastetxeen laguntza du.

Programatutako saioak Lobianon egingo dira, arratsaldeko bost eta erdietatik zazpietara bitarteko ordutegi berberean, eta honako hauek dira bakoitzaren xehetasunak:

Saio horiek doako ludoteka/zaintza zerbitzua izango dute seme-alabentzat. Erabili ahal izateko, inskripzio-fitxan adierazi behar da.

Hitzaldi guztiak guztiz doakoak dira. Programan parte hartu ahal izateko, interesdunak izena eman behar du. Horretarako, bi bide ditu: WhatsAppeko mezu bat bidaltzea 688 854 510 telefono-zenbakira edo gurasoeskolaermua@gmail.com postontzira idaztea. Bertan, bertaratuko den pertsonaren izena eta abizena, aukeratutako saioaren izenburua eta, ludoteka zerbitzua erabiliko den edo ez adierazi behar da. Izen-emateak hitzaldiaren bezpera arte eta gelak duen edukiera osoa bete arte onartuko dira.