IoT teknologien inguruko jardunaldia Izarra Centren

29.04.22

Ekonomi Sustapena

IoT teknologiak, industria errealitate berriaren palanka da datorren maiatzaren 20an, ostirala, Izarra Centrek hartuko duen jardunaldiaren izenburua. Ermuko Udalak antolatu du saioa, GAIA, SPRI, Bizkaiko Foru Aldundia eta Innobasquerekin batera, eta enpresen arteko topagunea izango da, non ezagutzaren transferentzia, teknologia berriak eta beharren eta aukeren identifikazioa izango diren osagai nagusiak.

Hasiera batean apirilerako aurreikusita zegoen ekitaldia data berri honetan egingo da azkenean eraikineko auditorioan, eta bi ordu baino gutxiagoan garatuko den ikuspegi dinamiko eta praktikoa izango du. Ekitaldia 12:00etan hasiko da Juan Carlos Abascal alkatearen ongietorri instituzionalarekin, eta 13:25ak arte hainbat kasu arrakastatsu eta sektoreko berariazko laguntza-programak aurkeztuko dira Decomesa, IMAG, JICA edo GAIA klusterraren eskutik.

13:25etik 13:45era IoT Basque Izarra Centre laborategira bisita egingo da, eta jardunaldia amaitzeko lunch bat egingo da, bertaratzen diren pertsonei iritziak trukatzeko eta lankidetza-sareak ezartzeko aukera emango diena.

Jardunaldian parte hartu nahi dutenek formulario honen bidez eman dezakete izena.

IoT teknologien inguruko jardunaldia Izarra Centren

Lotutako albisteak