Autoenpleguari eta enpresa-kudeaketari buruzko ikastaro berria ekintzaileentzat

Ermuak Enpresa Kudeaketari buruzko ikastaro berri bat iragarri du, Bizkaiko Foru Aldundiko Enplegu, Gizarteratze eta Berdintasun Sailarekin elkarlanean. Garapen Ekonomikoko udal-arloaren ekimena da, jarduera ekonomiko berriak abian jartzen laguntzeko. Ikastaro horrek 30 ordu iraungo du eta maiatzaren 23tik 31ra egingo da, bi egunak barne, 9:30etik 14:00etara bitarteko ordutegian.

Prestakuntza-ekintza honen helburua da pertsona ekintzaileek enpresa-plan bat garatzeko eta beren proiektuari dagokion azterketa ekonomiko-finantzarioa egiteko oinarrizko ezagutzak ematea. Era berean, parte-hartzaileek banakako eta taldeko aholkularitza-orduak izango dituzte. Doakoa den ikastaro hori egiteak aukera ematen du Foru Aldundiak 5.000 eurorainoko autoenplegua sustatzeko ematen dituen laguntzak eta diru-laguntzak jasotzeko, langabeek eta/edo baztertuta geratzeko arriskuan dauden pertsonek enpresa-proiektuak sortu eta abian jartzeko.

Bizkaiko Foru Aldundiaren diru-laguntzak norgehiagoka bidez eskuratzen dira, erakundeak zehaztutako irizpideen edo oinarrien arabera.

Izen-ematea zabalik

Prestakuntzan parte hartu nahi duten pertsonek Bizkaiko udalerriren batean erroldatuta egon behar dute eta langabezian egoeran autonomo gisa alta eman aurretik. Ikastaroak 8 parte-hartzaile izan behar ditu gutxienez eta, gehienez ere, 15 onartuko dira. Ikasle bakoitzak ordenagailu eramangarri bat ekarri beharko du prestakuntza-saioetarako.

Ikastaroan izena emateko formulario hau bete behar da. Plazak izen-ematearen hurrenkeraren arabera esleituko dira.

Informazio edo azalpen gehiago nahi izanez gero, bidali mezu bat pe@udalermua.net helbide elektronikora.