Doako Zumba masterclass udal kiroldegian

Larunbatean izango da instalazioko kantxan, ordu eta erdiz, 12:00etatik 13:30era bitartean.

Udal kirol sailak doako zumba masterclass saio bat antolatu du datorren zapaturako, ekainak 4erako, M. Angel Blanco kiroldegiko kantxan, 12:00etatik 13:30era bitarteko ordutegian. Ainhoa Cenitagoya eta Ander Morales izango dira jarduera horren instruktoreak.

Jardueraren helburua kirol-jarduera ezagutaraztea eta kirol aegiteko ohitura sustraitzea da, bizitza osasuntsuagoa eta sendentaria utzi eta aktiboago izan gaitezen. Hainbat espezialitate ezagutarazteko, horrelako jarduerak antolatzen dira.

Ekainaren 5ean, igandea, parkour masterclass

Ermuan Parkour masterclass bat ere egingo da ekaineko lehen igande horretan, Bizkaiko Foru Aldundiak antolatuta, udal kirol arloaren laguntzarekin. Eskola magistral hori ekainaren 5ean, igandea, egingo da, martxoaren 8ko plazan, goizeko 11etatik arratsaldeko 2etara. Mailaren arabera, bi txanda egongo dira: hastapena edo hobekuntza, eta 16 urtetik gorako parte-hartzaileentzat izango da. Plazak mugatuak dira eta aldez aurretik izena eman behar da.