Banarte Antzerki Taldeak ‘¡Ese no!’ aurkeztuko du Ermuan

Ermua Antzokiko eszenatokiak Banarte antzerki talde bizkaitarra hartuko du larunbat honetan, ekainaren 11n, ¡Ese no! antzezlanaren eskutik. Umorezko lana 20:30ean hasiko da.

Lagun talde baten ohiko afari batera eramango gaitu lanak, Cayetana eta Enrique anai-arrebak Gustavo eta Gemma bikotekideekin eta Roberto haurtzaroko lagunarekin elkartzen diren unera.

Enrique eta Gemmaren lehen haurraren jaiotza hurbilak eta umearen izena aukeratu beharrak aitzakia ematen dio Enriqueri bere ohiko burutazioetako bat botatzeko Gustavorekin izaten dituen tirabiren harian, hura pikatu asmoz. Txantxa garraztuz doa, apurka-apurka hartan nahasten dira bostak, eztabaidak fase guztiak igarotzen diru eta prozesuan hainbat egoera ustekabeko eta harrigarri sortzen dira. Eztabaida gisa hasi dena gatazka bilakatzen da eta azalera ekartzen ditu aspaldiko egoerak eta kontuak, ezkutuan egon direnak eta beste errealitate baten berri ematen dutenak. Ordura arte hautsiezina agertu den adiskidetasuna, kolpez apurtzen hasiko ote da?

• ¡Ese no! lanaren dossierra

Sarrerak 8 euro balio du eta emanaldia hasi baino ordubete lehenago jarriko dira salgai Ermua Antzokiko leihatilan.