URA Agentziak Ermua erdialdeko hondakin-uren kolektoreko obrak lizitatuko ditu

Exekuzio-aurrekontua 2.365.000 €-koa izango da, BEZa barne, eta gauzatzeko epea 10 hilabetekoa.

Ermua eta Mallabiko Saneamendu Proiektu Aldatuaren aurreikuspen eguneratuen eta Debabarreneko kolektoreekin duen loturaren barruan txeratutako obra da.

URA Agentziak iragarpena argitaratu du eta Ermua erdialdeko hondakin-urak bilduko dituen kolektorearen obrak lizitatzeko tramiteari hasiera eman dio. Zubiarre erdialdea eta Gipuzkoa Etorbidea kolektorea da. Ermuko erdigunea zeharkatuko du, eta hondakin-urak biltzea eta Apraizko araztegira bideratzea ahalbidetuko du, tratatzeko. Obrak Ermuko udalerriko saneamenduaren eraikuntza-proiektuaren barruan sartzen dira: Erdialdeko kolektorea Zubiaurretik Gipuzkoa Etorbidera bitartekoa. Lizitazio-aurrekontua 2.365.000 eurokoa da, BEZa barne, eta 10 hilabeteko epea dago obrak egiteko.

Ermuko zentrorako kolektore berriak (Zubiaurre eta Gipuzkoa hiribidearen artean) Zubiaurretik gorako kolektoreak eta Gipuzkoa etorbidearen azpian eraikiko den beste bat lotuko ditu. Hodi horrek gaur egun zuzenean Ego errekara isurtzen diren hondakin-urak bilduko ditu.

Zentroko kolektore horrek, gertuko isuriak biltzeaz gain, etorkizunean Mallabiko Goitondo aldeko poligonoetatik datozen isurketak biltzeko aukera emango du. Horretarako, URAk Goitondo Ermua kolektorea ere eraiki beharko du, beste proiektu gehigarri baten xede izango dena.

Ermuko udal-saneamenduko hobekuntza horiek Ermua eta Mallabiko Saneamendu Proiektu Aldatuan eta Debabarreneko kolektoreekin duen loturan kokatzen dira. Proiektu hori hainbat fasetan egin izan da.

Proiektu hori, oro har, Ermuko, Mallabiko eta Goitondoko industrialdeko hondakin-urak garraiatzeko kolektoreak eraikitzea zen, bi udalerrietako isurketa guztiak lotu eta Elgoibarko Apraizko hondakin-uren araztegira bideratzeko.

Ermuko udalerriko saneamenduaren eraikuntza-proiektua: zubiaurre-erdiguneko kolektorea eta Gipuzkoa etorbidea