Parte hartu Ermuko Emakumeen eta Gizonen arteko Berdintasunerako IV. Plana osatzeko galdetegian

Ermuko Udala Emakumeen eta Gizonen Berdintasunerako laugarren Plana prestatzen ari da 2023-2027 aldirako. Dokumentu horrek zehaztuko du berdintasuna lortzeko bidean aurrera egiteko lan-ibilbidea herri-mailan, eta udala bera eta Ermuko emakume eta gizonak hartuko ditu barne.

Plan berria aurreko hiruren jarraipen gisa aurkeztu da, eta legeria berria eta udal-gobernuak berdintasunaren arloan dituen erronkak biltzen ditu. Horrekin, Udalak aldaketak bultzatzen jarraitu nahi du, orain arteko lorpenak sendotzen diren bitartean.

Ekimen honek, gainera, gizarte-aldaketarako erronkak proposatzen ditu, 4 ardatzetan antolatuko direnak eta datozen lau urteetan esku-hartze publikoa bideratuko dutenak, gobernu ona, emakumeen ahalduntzea, ekonomiaren eta gizarte-antolaketaren eraldaketa eta indarkeria matxistarik gabeko bizitza bultzatuz.

IV. Berdintasun Plana egiteko prozesuan, herritarrek parte-hartu ahal izateko inkesta ireki da, euren ikuspuntua eskaini nahi duten 16 urtetik gorako pertsona guztientzat. Formularioa elebiduna, anonimoa eta konfidentziala da, eta esteka honetan bete daiteke.

Hala nahi dutenentzat, galdetegia formatu fisikoan ere eskainiko da Emakumearen Topagunean.

Inkestaren helburu nagusia herritarrei tresna bat eskaintzea da, Planean sartuko diren gaiei buruzko bizipenak eta iritzi pertsonalak adierazi ahal izan ditzaten.

Formularioa betetzeko epea uztailaren 10era arte (igandea) egongo da zabalik. Guztion ekarpena eta parte-hartzea, gure aniztasunetik, funtsezkoa da benetako berdintasunera hurbilduko gaituzten aldaketak lortzeko.

Daiteke Careers & Job SL da elaborazio-prozesu honetan laguntzen duen enpresa aholkularia, eta Emakunderi diru-laguntza eskatu zaio plana egiteko.

• IV. Planaren inguruko inkesta