Udaleko zerbitzu eta bulego publikoek udako ordutegiari hasiera eman diogu

Udal bulegoak eta zerbitzuak udako ordutegia izango dugu gaurtik -uztailaren 1etik, urterako onarturik dugun lan-egutegiari jarraiki. Gure bulegoak, oro har (Abiapuntu, Enplegu Zentroa, Lobiano Kultur Gunea eta Emakumearen Etxea) 08:00etatik 14:00etara izango ditugu zabalik, etenik gabe, uztailaren 29ra arte.

Datorren astelehenean, uztailaren 4an, udal zerbitzuak itxita egongo dira, jaieguna delako Bizkaian -San Baledin Berriotxoaren eguna-, hain zuzen ere. Hilaren 25etik 27ra, bulegoak itxita egongo dira herriko jaiak direla eta.

Abuztuan, udaletxeko eta Abiapuntuko bulegoak irekita egongo dira lanegunetan, 08:00etatik 14:00etara bitartean. Udaltzaingoak 24 orduz emango du zerbitzua asteko 7 egunetan, lanegunetan zein jaiegunetan. Aldiz, Torreta Etxea, Lobiano eta Emakumearen Topagunea itxita egongo dira.

Udal liburutegia, uztailaren 7tik 21era itxita, behin-behinean lekuz aldatzeko

Udal liburutegiak uztailaren 7tik 21era itxita mantenduko ditu ateak, biak barne, eta Lobiano Kulturgunera lekuz aldatuko da. Behin-behineko kokapen hori mantenduko dute zerbitzua handitzeko obrek dirauten bitartean.

Betiondoko kirol-instalazioak, bestalde, uztailaren 23ra arte arratsaldez soilik irekiko dira, astelehenetik ostiralera, 17:00etatik 21:00etara. Larunbat goizetan, 9:30etik 13:30era; igande eta jaiegunetan, berriz, itxita egongo da.