Terrorismoaren biktimen omenezko elkarretaratze isila

FEMPek – Espainiako Udal eta Probintzien Federazioa – elkarretaratze isilak deitu ditu udaletxeetako ateetan gaurko, uztailak 13, 12:00etan, Miguel Angel Blancoren eta terrorismoaren biktima guztien omenez. Gaur 25 urte betetzen dira Miguel Angel Blanco hil zutela; krimen terrorista horrek, bere krudelkeriagatik, gizarte osoa hunkitu zuen eta ehunka mobilizazio eragin zituen herritarren artean.

Ermuko Udalak bat egin du deialdiarekin, eta eguerdian udaletxera gerturatzeko deia egin die herritarrei, bost minutuko isilunea egiteko, biktima guztiei elkartasuna adierazteko eta edozein ekintza terrorista gaitzesteko.