Udalbatza ohiko Osoko bilkurara bilduko da, uda aurreko azkenengora

Ermuko Udalbatza asteartean, uztailak 19an, deituta dago hilaren ohiko Osoko Bilkurara. Bilera presentziala izango da eta 19:00etan hasiko da; bigarren deialdian hasten bada, 19:30ean izango da. Osoko Bilkura zuzenean emango dugu streaming bidez udalaren webgunean eta udalaren YouTube kanalean, eta udako oporren ondoren egingo den azken bilera korporatiboa izango da.

Bilkuraren gai-zerrendak bederatzi puntu ditu, eta, ohi bezala, lehenengoan udalbatzako kideei gonbitea egiten zaie aztertu beharreko gaiekiko edozein interes garrantzitsu edo bateraezintasunen berri eman dezaten. Ondoren, 2022ko ekainaren 27an egindako azken bileraren akta bozkatuko da.

Hirugarren puntuan hileko Alkatetza Dekretuen berri emango da. Laugarren puntutik seigarrenera gai ekonomikoak landuko dira. Lehenik, urteko aurrekontua bosgarrenez aldatzen duen 2115/2022 Dekretuaren berri emango da, kredituak gaitzeko bigarren espedientearekin. Jarraian, aurrekontuaren 6. aldaketa jorratuko dute (3. espedientea, kreditu gehigarriei buruzkoa). Eta azkenik, 2022ko Aurrekontuaren 7. aldaketak, Kredituak habilitatzeko 3. espedientearen bidez.

Zazpigarren puntuan Ermuko Hiri Agendaren Ekintza Plana hizpide izango da. Zortzigarrenean, Administrazio Elektronikoari buruzko Ordenantza. Eskaeren eta galderen atalak itxiko du saioa, izanen badira.

• Gai-zerrenda

Udalbatzak bilera gehiago izango ditu goiz horretan

Asteartean bertan, 9:30ean, Udalbatzak Informazio Batzordearen bilera ere egingo du, gai-zerrendan hiru puntu izanik. Interes garrantzitsuren bat jakinarazteko gonbidapenaz eta aurreko akta onartzeaz gain, zinegotziek Udalgaztedi 2022-2023 urte anitzeko hitzarmenari buruzko informazioa jasoko dute.

Eta 10:00etatik aurrera, Promosa sozietateko Batzar Nagusian bilduko da beste lau gairekin. Aurreko bilkuraren akta; 2021eko ekitaldiko urteko kontuak; asteroko azoka txikia kokatzen zen gunean; Zerukoako aparkalekuari lotutako eragiketari buruzko informazioa emango da. Azkenik, Promosa sozietateak udalerriaren hiri- eta ekonomia-eraldaketari egin dion ekarpenari buruzko informazioa.

Saioaren dokumentazioa esteka honetan kontsulta dezakezu.