Julene Bouzok brontzea lortu du altuera jauzian 20 urtez azpiko Espainiako LXIX. txapelketan

Julene Bouzo Agirregomezkorta ermuarrak azken asteburuan brontzezko domina lortu du altuera jauzian Torrenten (Valentzia) jokatu den 20 urtez azpiko Espainiako LXIX txapelketan. Atleta gazteak txapelketa ona egin zuen eta podiuma lortu zuen lurretik metro eta 67 zentimetrora jarritako listoia saltatu ondoren. Julene Bouzok aurreko urteko postua eta domina berbera berreskuratu ditu, Monzonen (Huescan) iaz 1,71 zentimetroko jauzia egin zuenean. Podiuma Celia Rifaterra Pacedekin (1,79 cms) eta Irene Clemente Martinekin (1,70 cm) partekatu zuen. Rifaterra irabazleak postua ziurtatu zuen datorren abuztuaren 1etik 8ra Caliko (Kolonbia) Munduko Txapelketara joateko. Julenek marka berdindu zuen Marta Moreno eta Laura Alegrerekin, baina azken bi hauek bigarren saiakeran gainditu zuten eta ermuarra lehenengoan. Bidezabal Durango taldeko atleta ermuarra 1.67 gainetik pasa zen lehen saiakeran, baina 1.70 metrokoan ez zuen lortu.

Txapelketa #GeneracionAtletismo garapen programaren barruan dago, eta Espainiako Atletismo Federazioak antolatzen zuen, Valentziako Erkidegoko Atletismo Federazioarekin eta Ajuntament de Torrentekin lankidetzan eta RFEA Go Fiten babesle ofizialaren laguntzarekin. Lau saiotan jokatu zen: larunbat goizean (9:30etik 13: 35era), larunbat arratsaldean (18:00etatik 21:45era), igande goizean (9:30etik 13:15era) eta igande arratsaldean (18:00etatik 21:00etara). LaLigaSportsTVren plataforman streaming bidez eman zen.

Azpian Juleneren irudi batzuk uzten dizkizuegu podiumean, bere lagunekin eta dominarekin bere aitarekin. Familiak utzitako argazkiak dira, berari baitagokio jabetza intelektuala eta eskubide guztiak.