Merinoren XXXIV. memoriala iraileko azken larunbatean jokatuko da

Ermuko Gaztela eta Leon Kulturguneko atletismo taldeak Jose Merinoren omenezko lasterketa herrikoia antolatu du aurten ere. Lasterketaren hogeita hamalaugarren edizioa irailaren 24an, larunbata, ospatuko da, eta 16 urtetik gorako korrikalari asko biltzea espero du. Izen-ematea zabalik dago. Haurren probak bertan behera geratu dira. Halaber, pandemia ondoko urte larriak direla eta, aurten ez da diru-saririk emango. Trofeoak egongo dira sailkapen orokorreko lehen lau lagunentzat eta herriko lehen lau atletentzat.

Proba honetan parte hartu ahal izateko izena eman behar da aldez aurretik www.kirolprobak.com atarian, proba aurreko ostiral gaueko 12:00ak baino lehen. 10 kilometroko ibilbidea duen lasterketa arratsaldeko 6etan hasiko da. Izena ematen duten kirolariek lasterketaren egunean bertan jaso behar dute dortsala, Orbe Kardinalaren plazan, antolatzaileek aldez aurretik iragarriko duten ordutegian. Lasterketaren ospakizunak ibilgailuen trafikoari eragingo dio eta garajeak dituzten eraikinek informazio orria jaso dute.

Proben ondoren, Memorialean parte hartzen duten guztiek doan erabili ahal izango dituzte Aritzmendi pilotalekuko dutxak.