Gimnasia erritmikoko erakustaldia egingo plazan, igande eguerdian

15.09.22

Kirolak

Ipurua Gimnasia erritmikoko klubak erakustaldia eskainiko du datorren asteburuan gure herrian. Igande eguerdian izango da, 12:30etik 13:30era, Orbe Kardinalaren plazan. Taldeko adin ezberdinetako gimnastek Natalia Urmakaeva begiralearen zuzendaritzapean parte hartuko dute.

Erakustaldiaren helburua espezialitatea eta horren kirol aukerak ezagutaraztea da, iraila honetan gurean gimnasia erritmikoko taldeak zehaztuko baitira, bai eskola kirolean, bai federatuan. Hori guztia, Eibarko klubaren eta bertakoaren artean sinatutako lankidetza-hitzarmenaren baitan.

Entrenamendu-saioak Miguel Angel Blanco udal kiroldegiko pistan ordu betez egingo dira, astelehenetik ostegunera, horiek barne, 17:30etik 18:30era.

Lotutako albisteak

05.12.25

Aurten sarituak izango diren kirolari eta kluben zerrenda ezagutu nahi?

Herriko elkarteen artean bozketa bidez hautatutakoak Kirolaren I. Galan omenduak izango dira

02.12.25

Kirola beti; baita Gabonetan ere

Bazkideentzako jarduera bereziak eta doakoak kiroldegian

31.10.25

Kiroldegiak neguko ordutegia izango du asteburu honetatik Aurrera

Zabalik egongo da 9:00etatik 13:30era eta 16:00etatik 20:00etara, larunbat eta igandeak barne