I. Hiru Txiki trail 'proba datorren larunbatean jokatuko da

436 lagunek eman dute izena; 348 mutil eta 88 neska. Emakumeak partaideen %20 izango dira

Artarrai Mendi Taldeko hainbat kideek, gure udalaren laguntzarekin, 42 kilometroko proba edo zeharkaldia antolatu dute, larunbaterako, urriak 15, udalerritik gertuen dauden hiru mendien gailurrak zeharkatuko dituzte: Urko, Oiz eta Eguarbitza. ''I. Hiru Txiki Trail'' izeneko proba Ermua inguruan egingo da, eta bi modalitate izango ditu gizonezkoentzat eta emakumezkoentzat: 42 kilometroko ibilaldi ez lehiakorra, 2.016 metroko desnibel positiboarekin, eta distantzia eta desnibel bereko beste Trail erlojupekoa edo kronometratua. Atleta, mendizale eta kirolari federatuta edo federatu gabeko arte hartu ahal izango dute, gehienez ere 400 parte hartzaile.

Izen-emateak Rockthesport webgunearen bidez egiten dira. Ibilaldirako 12 €ordaindu behar dira eta Trailerako 25 €, hurrenez hurren. Inskripzioak dortsalean parte hartzeko eskubidea ematen du, eta erantzukizun zibileko eta istripu-asegurua dakar, ezarritako zerbitzuak erabiltzekoa, oroigarrizko kamiseta jasotzekoa eta zozketa batean parte hartzekoa.

Araudiaren arabera, irteera goizeko 8etan izango da Orbe Kardinalaren plazatik, eta ibilbidea baliza-zinta ikusgarriekin seinaleztatuta egongo da. Kontrol-puntu batzuetatik pasatzea nahitaezkoa izango da, eta lau hornidura-puntu egongo da. Antolatzaileek sariak eman dizkiete Traileko lehen hiru emakumezko kirolariei. Eta baita lehenengo ermuarrentzat ere.