‘Zurrunka teatroak' ‘Aioko' muntaia aurkeztuko, txotxongiloez eginiko ikuskizun didaktikoa

Zurrunka Teatroa konpainiak ''Aioko'' muntaia aurkeztuko du aste honetan Ermua Antzokian, itzalek argia erakutsiko diguten ikuskizun didaktikoa. Larunbatean izango da, arratsaldeko 5etan. Sarrerak 4 € balio du eta aldez aurretik eros dezakegu Lobiano Kultur Gunean, Kutxabank entitatearen webgunean edo zerbitzu anitzeko bere kutxazainen sarean edo leihatilan. Antzezpena egokia da 3 urtetik gorako haurrentzat eta familientzat. Zurrunka txotxongilo-antzerkian eta itzalen antzerkian espezializatutako konpainia da.

Sinopsia

Aioko uhartean, bertako biztanleek ahaztu egin dute aniztasunak herriaren aberastasunerako duen balioa, naturarekiko errespetua eta bizitzaz gozatzeko denbora izatearen garrantzia. Aspaldi utzi zion Aioko irla argitsu izateari; iluntasun handi bat jabetu zen bertako biztanleen bihotzez. Azkartxin eta Moteltxin dira istorio honetako protagonistak. Bi pertsonek oso dohain bereziak badituzte ere, bizilagunek albo batera utzi dituzte.

Bidaia zoragarria izango da, eta abenturak, sorpresak, jenioak eta itzalak topatuko ditugu, argiz eta emozioz betetako itzal asko. Hizkuntza hurbil, dinamiko eta atsegin baten bidez bizikidetzari buruz hausnartzeko aukera, familian gozatzeko eta ikasteko.