Leihatila adimenduna; merkatari eta bezeroaren laguna

Udalak eta nahi duten herriko saltokiek urtea bukatu baino lehen gordailua ezarriko dute, gordailu- eta bilketa-puntua izango eta egunean 24 orduz erabilgarri egongo dena, erosketa-esperientzia eta merkataritza-harremana indartzeko. Ermuan sortutako ''Hapiick'' enpresaren terminal edo armairu adimendunak erabiliko dira. Enpresa aitzindaria da merkataritza elektronikoak eta paketeria modernoak eskatzen dituzten entregatzeko modu berriak asetzen.

Ekimena Garapen Ekonomikoko arloarena da, Ermuko tokiko merkataritzaren digitalizazioa eta iraunkortasuna bultzatzeko Europar Batasunak kofinantzatutako proiektu bat gauzatzen ari baita. Proiektuaren helburuetako bat da tokiko merkataritzari laguntzea kontsumo-ohitura berrietara egokitzen, eta zeregin horretan balio erantsiko tresna honek, merkataritzaren eta bezeroaren arteko harremana areagotuko duelakoan dago. Horrela, leihatila adimendun bat instalatuko da, bezeroek edozein ordutegitan jaso edo utzi ahal izateko erosketak.

Leihatila hori bilketa-gune irekia izango da eguneko 24 orduetan. Instalazioa aurten egingo da, bertako merkataritzan Gabonetako erosketak laguntzeko. Udal honek ekimenean parte hartzeko eta laguntzeko deia egiten du. Oso erraza da leihatila erabiltzea, eta xehetasunak ezagutzeko, sakatu Leihatila adimendunari buruzko informazioan.

Parte hartu nahi duten saltokiek azaroaren 4ra arte eskatu behar dute

Erabiltzaileek leihatila erabat doan martxan jartzeko aukera izan dezaten, saltoki bakoitzak idazki edo eskabide hau bete behar du. Erabiltzaile-eskaera aurkezteko eta sistema hori erabili ahal izateko epea azaroaren 4an amaituko da, egun hori barne. Erabilera eskatzen duten saltokiei sarbide-kode bat eta erabiltzailea emango zaie erabili ahal izateko.

Argibideak edo kontsultak nahi izanez gero, jarri harremanetan Ekonomiaren Garapen Sailarekin pe@udalermua.net posta elektronikoko postontzian edo 943 177 159 telefonoan.

Ermuko Udala aukeratu du Industria, Merkataritza eta Turismo Ministerioak onuradun gisa merkatuak, hirigune komertzialak, merkataritza ez-sedentarioa eta merkaturatzeko bide laburrak babesteko laguntzen deialdian. Laguntza hori Europar Batasunak Next Generation EU funtsen bidez finantzatzen duen Berreskuratze, Eraldaketa eta Erresilientzia Planaren barruan sartzen da.

Ekintza hau Industria, Merkataritza eta Turismo Ministerioak diruz laguntzen du, eta, beraz, doan froga daiteke.