Udalbatza astelehen honetan bilduko da 2023ko Ordenantzen inguruan eztabaidatzeko

Astelehen honetan, azaroaren 14an, ezohiko Osoko Bilkura egingo da, 2023ko ekitaldirako tasak ardatz hartuta. Bilkura 19:00etan hasiko da, Udaletxeko Osoko Bilkuren Aretoan.

Osoko Bilkuraren gai-zerrendak 16 puntu ditu guztira. Hasteko, Udalbatzak ohiko gonbidapena egingo die bertaratutako zinegotziei bilkurako gai-zerrendako edozein gairen inguruan egon daitekeen edozein interes garrantzitsu jakinaraz dezaten. Ondoren, urriaren 6ko akta bozkatuko da, eta hurrengo hamabi puntuek 2023ko tasa eta ordenantzetarako aurkeztutako proposamenak jorratuko dituzte. Bilera bi adierazpen instituzional onartuta amaituko da: bata azaroaren 20ari buruzkoa, Haurren Eskubideen Nazioarteko Eguna, eta bestea azaroaren 25ekoa, Emakumeenganako Indarkeria Ezabatzeko Egunari buruzkoa.

Bilkura zuzenean jarraitu ahal izango da streaming bidez 19:00etatik aurrera Udalaren webgunean eta YouTubeko kanalean.