Aizkolarien 'San Martin' txapelketa jokatuko zapatuan

‘Hamahirugarren San Martin’ txapelketa aizkolarientzat jokatuko datorren larunbatean. Txapelketa gure udalak antolatu eta ordainduko du. Herri-kirol jaialdi hau San Martin kulturalaren barne txertatzen da. Txapelketa herriko plazan –Orbe Kardinalarenean- jokatuko da, eguerdiko hamabi eta erdietatik aurrera. Euria egingo balu, txapelketa eta jaialdia Aritzmendi pilotalekuan eginen da. Txapelketa aizkolarientzat izango den arren, ondoren erakustaldia egingo da herri kiroleko beste modalitate batzuek ere ikusi ahal izango ditugularik.

Kartelean iragartzen denez, aizkolariak bikoteka arituko dira. Bikote horiek ondoko kirolariek osatuko dituzte: Hodei Ezpeleta-Alex Txikon; Josean Etxeberria-Goizeder Beltza eta Ernesto Ezpeleta ‘Bihurri’-Jon Rekondo. Bikote bakoitzak lodiera ezberdineko zortzi enbor moztu beharko ditu, ahal duen azkarren.

Jarraian, emakume harri-jasotzaileek erakustaldia egingo dute. Erakustaldian Udane Ostolazak eta Aroa Santxezek hartuko dute parte.