'Ymedioteatro' konpainiak 'Eco' muntaia aurkeztuko du larunbat honetan Ermua Antzokian

''Ymedioteatro'' konpainiak ''Eco'' muntaia aurkeztuko du larunbat honetan Ermua Antzokian, arratsaldeko 5etatik aurrera. Familientzako eta haurrentzako ikuskizuna da. Alex Ramos (Ermuakoa) eta Santos Sánchez aktoreek askatasunaren zentzuaz hitz egiten dute lan honetan, eta gure eguneroko loturekiko bizikidetzaz. Sarrerak 4 euro balio du eta aldez aurretik eros dezakegu Lobiano Kulturgunean, Kutxabanken webgunean edo bere kutxazainen sarean. Eta leihatilan, emanaldia hasi arte.

Aske izatea, askotan, ez da loturak haustea, baizik eta haiekin bizitzea. Saiatzen garen bitartean, bizitza errepikatu egiten da buruen eta bihotzen hormetan durundi egiten duen oihartzun batean. Hau da eszenatokian harrapatuta dauden bi komikoen amesgaizto errepikakorra. Ymedioteatrok bere proposamenik pertsonalena eta biziena aurkezten du. Jolasa da sorkuntzaren jatorria, lotsarik gabe, beldurrik gabe, guztien alde eta guztiarekin: txotxongiloak, objektuak, eszenografia, argiztapena, emozioak, musika eta mugimendua. Metafora bisualen dantza, bizitzara lotzen gaituen poesiaz hitz egiten duen ikuskizun komiko baterako.

Ymedioteatro arte eszenikoen konpainia bat da. Profesional-talde egonkor batek osatzen du, eta objektuen antzerkian, testu-lanean edo clownaren diziplinan oinarritzen da. Estatuko eta nazioarteko erreferente dira, izan ere, Fira Tárrega, FETEN eta Fira de Titelles de Lleida bezalako azoka edo jaialdietan erakutsi dituzte ikuskizunak, baita Europako hainbat herrialdetan ere.