Bederatzi langabek 6 hilabeteko kontratua hasi dute Enplegu Plan berri batean

Bederatzi langabek lanaldi osoko eta sei hilabeterako kontratua hasi dute gaur, Lanbide-Euskal Enplegu Zerbitzuak eta Ermuko Udalak batera finantzatutako enplegu-plan berri baten esparruan. Kontratazio horiek enplegua sustatzeko jarduerak dira, eta langabeen enplegagarritasuna handitzea dute helburu, aldi baterako lan-esperientziaren bidez, haien kualifikazioa eta/edo gaitasun pertsonalak eta motibazioa indartzeko.

Juan Carlos Abascal alkateak eta Jose Manuel Lopez Gizarte Politiken arloko Enplegu Zerbitzuko zinegotziak harrera egin diote taldeari gaur goizean, Lobianoko instalazioetan egindako topaketa batean. Bilera horretan bertan izan dira, halaber, udal-arlo batzuetako zuzendari eta teknikariak, toki-eremuko onura publikoko edo gizarte-intereseko jarduerak barne hartzen dituztenak. Dirulaguntzaren eskaera onartu zitzaien 11 plazetatik 9 aurkeztu dira gaurkoan, eta urtea amaitu baino lehen bi pertsona gehiago sartzea espero da.

Zehazki, honako hauek dira jarduera-arloen arabera sartutako lan-profilak:

• Hezkuntza eta Kultura Saila
  • Pedagoga bat, ikastetxeekin lankidetzan jarduteko.
  • Administrari laguntzaile bat, prestakuntza-zentroetako lanetan eta aparteko jardueretan laguntzeko.
• Gizarte-politiken arloa
  • Gizarte-laguntzei laguntzeko administrari bat
• Garapen ekonomikoaren arloa
  • Enpresa eta saltokiekiko harremanetan laguntzeko administrari bat.
• Hiri-eremua
  • Hiru margolari hiriko mantentze-lanetarako eta kirol-instalazioetarako
  • Bi kanpoaldeak garbitzeko.

Kolektiboarekin egiten diren trebakuntza jardueren artean, enplegurako orientazio-ekintzak eta laneko arriskuen prebentzioari buruzko prestakuntza ikusiko dute.