Aste honetako bi egunetan odola eman ahal izango dugu herrian

Ermuko Odol Emaileen Elkarteak, Donaser izenekoak, odola emateko saio berriak antolatu ditu. Bihar asteazkena, abenduak 14, eta larunbatean, hilak 17, izango dugu aukera, goizeko nahiz arratsaldeko ordutegian.

Autobusa anbulatorio zaharraren aurrean kokatuko da, Bizkaia Etorbidean, ostegunean 09:15etik 14:15era eta 16:30etik 21:00etara bitartean. Larunbatean, aldiz, goizez soilik joan ahalko dugu, 09:15etik 14:15era artean.

Herriko odol-emaileak jakinaren gainean daude jada, deialdi bakoitzeko SMS eta e-posta bidezko mezuak jasotzen baitituzte.

Gaur egun, odola ematea da modu bakarra gure osasun-sistemak ondo funtzionatzeko beharrezkoak diren odol-osagaiak lortzeko (hematiak, plaketak eta plasma).

Hurrengo txandak kontsultatzeko, ikus ezazu honako webgunea.