2023rako Aurrekontu Orokorraren zirriborroari buruzko erabakia hartuko gaur Udalbatzak

Ermuko Udalbatza gaur -abenduak 22- bilduko da ezohiko Osoko Bilkurara. Horretan, 2023rako Aurrekontuak izango dira mintzagai eta ardatz nagusia. Bilera presentziala izango da eta arratseko 7etan hasiko; bigarren deialdian izatekotan, ordu erdi beranduago hasiko litzateke. Osoko Bilkura hori zuzenean emitituko dugu, streaming bidez, Udal webgunean eta erakundearen gure YouTubeko kanalean.

Hamabi puntu jasotzen ditu Bilkurako gai-zerrendak; lehena, zinegotziei egiten zaien gonbidapena izango da, eguneko gai-zerrendako edozein gairekin zerikusia duen edonolako interes zuzen eta garrantzitsu jakitera eman dezaten. Jarraian, aurreko bilerako akta onartuko da, 2022ko azaroaren 29koa, hain zuzen.

Hirugarren puntutik aurrera, ordezkariak erakundearen datorren urterako Aurrekontu Orokorra aztertzen hasiko dira. Udal-taldeek aurkeztutako zuzenketa partzialekin hasiko dira. Hirugarren puntuan, EH Bilduk aurkeztutako zuzenketa partziala. Laugarren puntuan, Elkarrekin Ermuak aurkeztutako zuzenketa partziala. Bosgarren puntutik zortzigarrenera Udal Talde Popularrak aurkeztutako zuzenketa partzialei buruz hitz egingo da: 1. zuzenketa; 2. zuzenketa; 3. zuzenketa eta 4. zuzenketa. Bederatzigarren puntuan Gobernu Taldearen Aurrekontuaren zirriborroa jorratuko da.

Azkeneko hiru puntuak ere ekonomikoak izango dira. Hamargarren atalean, indarrean dagoen aurrekontuaren 11. aldaketa (2. espedientea: Kredituak transferitzea). Hamaikagarrenean, Kontu-hartzailetzaren iraunkortasunari buruzko txostena izango da, aurreko aurrekontu-aldaketari dagokionez. Eta hamabigarren eta azken lekuan korporazioaren zerbitzura dauden langileen lansari-goera gehigarria izango da.

• Gai-zerrenda