Zatoz mozorrotuta San Silbestre lasterketara eta esan agur 2022ari umorez

Kirola eginez urteari eguteguko azken egunean agur esateko ohitura oso zabaldua dago, Ermuan baita ere. Herriko Gaztela eta Leongo Zentroko Atletismo Klubak ''San Silbestre'' lasterketa herrikoiaren edizio berria antolatu du, pandemiaren etenaldia eta gero. Abenduaren 31n martxa atsegin hori ospatuko da berriz, urtea zaharrari agur esateko. Ekimenak gure udalarenlaguntza du.

Proba arratseko 5etan hasiko da Orbe Kardinalaren plazan, eta parte-hartzaileek guztira bi kilometro eta erdi egingo dituzte korrikan, oinez, banaka, taldean… bakoitzak nahi duen moduan. Baldintza bakarra aipatutako orduan plazara gerturatzea eta mozorrotua bertaratzea dira, kirola eta ondo pasatzeko gogoz, datorren 2023. urteari ongietorria ematen hasi aurretik. Ibilbideari hasiera emango zaio Zubiaurre, Baldespinako Markesarenetik jarraituz, Goienkale, VI. Mendeurrena kalea, San Pelaio, Diputazio, Probaleku eta berriz Zubiaurrera. Bi buelta izango dira, lehena kontrolatua eta bigarrena librea.

Jarraian lasterketako kartela eta aurreko edizioko zenbait argazki ikus ditzakezue. Anima zaitezte, eta parte hartu urteko lasterketarik dibertigarrienean!