300 zuhaitz autoktono berri Zuhaitz Egunaren XII. ediziorako

Artarrai Mendi Taldeak igande honetarako, otsailak 5, antolatu du Zuhaitz Egunaren edizio berria. Tokiko kolektiboak jakin badaki gure ingurunea zaindu eta babestu behar dugula, eta duela hamarkada bat baino gehiagotik antolatzen du zuhaitzaren eguna gure herrian.

Ekitaldia 10:00etan hasiko da Orbe Kardinala plazan, eta bertan parte hartuko duten pertsona guztiak bilduko dira Joxio parajera elkarrekin igotzeko. Partzela San Lorentzoko ur-biltegi zaharretik gertu dago, eta jarduerarako egokitu da.

Edizio honen helburua 300 zuhaitz autoktono baino gehiago landatzea da; zehazki, 150 haritz eta 175 pago.

Jarduera ezin hobea da familian, lagunartean edo banaka gozatzeko. Adin guztietarako da egokia, ibilbidea laburra eta erraza baita. Zuhaitz Egunak, gainera, Udalaren laguntza izango du. Udalak jarduera egiteko beharrezko materiala emango die parte-hartzaileei, hala nola palak, aitzurrak edo babesgarriak.

Ekimena herritar guztientzat zabalik dago eta ez dago aldez aurretik izena eman beharrik.

Informazio gehiago nahi izanez gero, jo Artarrai Mendi Taldearen blogera.