Inauterietako eskulan tailerra euskaraz familientzat

Berbalagun ekimenak eta Antxitxiketan aisialdi taldeak Gurasolagun Irekia II izeneko tailerra antolatu dute Ermuko familientzat. Bereziki 4 eta 8 urte bitarteko haurrei eta haien gurasoei zuzendutako jarduera da, eta helburu nagusia euskaraz hitz egiteko gune dibertigarria eskaintzea da.

Jarduera otsailaren 10ean, ostirala, izango da, 17:30etik 19:00etara Lobiano Kultur Guneko antzerki aretoan, eta ordu eta erdi horretan, parte-hartzaileek beren apaingarriak egingo dituzte Hartza Egunerako, kolore guztietako inauteriez gozatzeko.

Ekimena doakoa da, baina izena eman behar da WhatsApp bidez mezu bat idatzita 663 070 492 zenbakira.