Julene Bouzok, brontzea lortu du altuera jauzian pistako eta 23 urtez azpiko Espainiako Txapelketan
1,73 metrora zegoen listoiaren gainetik salto egin du Antequeran (Malagan) jokatutako txapelketan 23 urte azpiko kategorian, bigarren geratu den kirolariarekin berdinduta
Julene Bouzo Agirregomezkorta 2023ko altuera jauziko Espainiako hirugarren izan da hogeita hiru urtetik beherako emakumezkoen kategorian (23 urte azpikoak). Ermuarrak brontzezko domina jantzi du azken asteburuan, Antequeran (Malagan) hiriko Teknifikazio Zentroko Atletismoko pista estalian, jokatu den XXXVIII Espainiako Txapelketan.
Bidezabal Durango Atletismo Taldeko atleta gazteak sailkapeneko hirugarren postua (22. orrian) eskuratu zuen 1,73 metroko jauzia egin ondoren, bigarren saiakeran. Aurretik geratu den atleta lehenengo saiakeran pasa zuen listoia eta horregatik ermuarraren aurretik geratu zen. Julenek ondoren, 1,74ko altuera gainditzen saiatu arren, ez zuen lortu. Txapelketa Trops-Cueva de Nerja taldeko Una Stancev Stevanovic kirolariak irabazi zuen, 1,75 metroko altueran zegoen listoi gainetik salto eginda.