'Ermua hiri abegitsu edadetuekin' proiektuko talde eragileak Izarra bisitatu eta ezagutu du

'Ermua, hiri abegitsua pertsona edadetuekin' proiektuko Talde eragileko kideek Izarra Centre eraikina bisitatu dute berriki. Proiektu honek adineko pertsonen ikuspegia eta beharrak integratu nahi ditu, herritar guztiekin hiri lagunkoi bat sortu ahal izateko, inolako talde edo kolektibo ahantzi gabe. Taldea gaur egun 60 urtetik gorako 17 pertsonek osatzen dute, eta Izarra Centre-n eskaintzen diren jarduera eta zerbitzuak zuzenean ezagutu nahi izan dituzte. Juan Carlos Abascal alkateak eta Josu Ansola zuzendariak harrera egin diote jarduerak eta proposamena egin ohi dituen talde dinamiko eta geldiezinari. Alkateak herriak duen berrikuntzako estrategia aurkeztu dio taldeari.

Taldeak Izarrako instalazioak eta zerbitzuak ezagutu ditu, Teknoteka, auditoriuma, gune kolektiboak edo elkarlanean jarduteko guneak ezagutu dituzte eta baita enpresei, ekintzaileei eta partikularrei eskaintzen zaizkien zerbitzuak ere. IoT LABen laborategia ikusteko eta ezagutzeko aukera ere izan dute, Ezagutzaren eta Teknologia Aplikatuen Industrien Elkartearekin (GAIA) batera udalak abian jarritako erakustokia. Helburua Gauzen Internet ezagutzea da, eta Euskadiko sektoreak lehiakortasunerako funtsezkotzat jotzen den teknologia horretan dituen ahalmenak erakustea.

Baita GRAVITATEA izeneko proiektuaren zehetasunak eta gela, non mikrograbitate efektu simulatu bat sortzeko gai den makina bat dagoen. Horrek askotariko aplikazio-aukerak ditu: mekano-biologia, adierazpen genetikoaren aldaketak, sendagaien garapena eta abar.

Alkateak positibotzat jo ditu bisita eta bilera, "izan ere, Izarra Centreko ateak zabalik daude instalazioa ezagutu nahi duen eta azpiegituran egiten den lanagatik interesa duen ororentzat" laburbilduz.