Ukrainarekiko elkartasun kontzentrazioa, okupazioaren eta gerraren lehen urtebetetzean

EUDELek, Euskadiko Udalen Elkarteak, bost minutuko elkarretaratze isila deitu du biharko (otsailak 24, ostirala), eguerdiko 12etan, gerrako biktimei, lekualdatutako pertsonei eta Ukrainako herri osoari elkartasuna adierazteko, urtebete betetzen baita Errusiak Ukraina inbaditu zuenetik eta gerra hasi zenetik. Ermuko Udalak ekimen horrekin bat egiten du, eta, beraz, isilean kontzentratzeko eta gerra-gatazka horren aurka agertzeko deia egiten digu herritarroi.

Kontzentrazioa udaletxearen aurrean egingo da, gerrako biktimei, lekualdatutako pertsonei eta Ukrainako herri osoari elkartasuna adierazteko. Bat egizu eta etor zaitez!