2026ko Inauteriak iragarriko dituen kartela hautatzeko lehiaketa deitu da

Ermuko Udal Kultura Sailak 2026ko inauterietako kartel lehiaketa deitu du. Lehiaketan parte hartzea libre da eta proposamenak 2026ko urtarrilaren 19ko gauerdia baino lehenago aurkeztu behar dira. 600 euroko sari bakarra dago, eta epaimahaiak urtarrilaren 19an aukeratuko du lan irabazlea, ondoren bere erabakia ezagutaraziz. Parte hartu nahi dutenek izena online eman behar dute mundoarti.com plataforma digitalean, datuak bete behar dituzte, lana ‘jpg’ formatuan erantsi behar dute, gehienez ere 5mb-ko tamainarekin, eta Ermuko Inauterietako Kartel Lehiaketa 2026 leloa jarri behar dute.

Lehiakide bakoitzak, gehienez, beste kartel-lehiaketa batzuetan sarituak izan ez diren jatorrizko hiru lan aurkeztu ahal izango ditu. Aurkeztutako lanek ezin izango dute pertsonenganako errespetu falta-mezurik jaso; epaimahaiaren iritziz adierazpen edo sinbologia matxista edo sexista dutenak edo herritarrentzat oro har iraingarriak izan daitezkeenak baztertu egingo dira.

Aurkeztutako kartelen gaia inauteriei oro har izan beharko dute, edozein ikuspegitatik landuta ere, eta nahitaez Ermuko Inauteriak 2026 goiburua edo errotulua adierazi beharko dute.

Lehiaketako Oinarriak.