Web aplikazio progresiboa, tokiko merkataritzaren modernizazioan lagun

01.03.24
Merkataritza
Ekonomi Sustapena
hiriapp.ermua.eus webgunearen bidez, Ermuko gaurkotasuna esku-eskura izango dugu, eta TAO gunean aparkalekurik dagoen ere kontsultatu ahal izango dugu

Merkataritza-sektorea estrategikoa da edozein udalerritako ekonomiarentzat. Saltoki txikiak digitalizatzea ezinbesteko erronka da tokiko establezimenduek erantzuteko gaitasuna handitu ahal izateko. Bide horretan, Ermuko Udaleko Ekonomiaren Garapen Saila Web Aplikazio Progresiboa (APW) martxan jartzen ari da https://hiriapp.ermua.eus/ helbidean.

Proiektu honen helburua da Ermuko merkataritza-sektorea eguneratzea eta modernizatzea, merkataritza-eremurako irisgarritasuna hobetuz eta sektorearen digitalizazioa babestuz, presentzia areagotzeko eta tokiko erosketa sustatzeko.

Gaur egun oso hedatua dago telefono mugikorraren erabilera, komunikatzeko nahiz informazioa bilatzeko, eta hori baliatuta, APW berriak zerbitzu sorta bat eskaintzen du edozein plataformatatik eskura daitezkeenak eta merkataritza-arloko erabiltzaileei zuzendutakoak. Aplikazio honetan, informazioa etengabe eguneratuko da, tokiko establezimenduek sare sozialetan argitaratzen dituzten edukiez eta Udalaren webguneaz elikatuko baita.

HiriApp tresnaren bidez, herritarrek saltokiei eta ostalaritzari buruzko informazioa, eskaintzak eta udalerriko kultura- eta aisialdi-eskaintzari buruzko berriak eskuratu ahal izango dituzte, baita denbora errealean herriko TAO guneetako aparkaleku-plazen okupazioa ikusi ere. Horrela, merkataritza-arlora eskaria erakarri eta atxiki nahi da, sektorearen digitalizazioa bultzatu eta tokiko merkataritza kontsumo-ohitura berrietara egokitu; izan ere, gero eta pertsona gehiagok egiten dituzte online erosketak, mugikorraren bidez ordaintzen dute edo sare sozialak erakusleiho gisa erabiltzen dituzte. Horregatik, tokiko saltokiek sektorean duten presentzia hobetu behar dute.

Lotutako albisteak

Imagen
19.04.24
WomenEkinek emakume liderrei ahotsa eta ikusgarritasuna emango die beste behin

'Iglu Legal' eta 'Ideseoft' enpresak aurkeztuko dituen VI. edizioa hartuko du Izarra Centrek datorren ostegun eguerdian
Imagen
18.04.24
Kuba eta Kataluniatik etorritako teknikariek Izarra Centre eta sustapen arloko estrategia ezagutu dituzte

Habanako Historialariaren Bulegoko eta 'Redessa' udal-enpresako langileek lan-bilerak egin dituzte
Imagen
15.04.24
EMOEk hasiera eman dio 'BonoErmua udaberria' kanpainari

Bonuak 10 €-ko pizgarria du eta horrekin 50 €-rainoko zenbatekoa erosi eta 400€ bakarrik ordainduko ditugu maiatzaren 15era arte