‘El Barbero de Sevilla’k operak Ermua Antzokiko denboraldiari hasiera emango

Irailetik abendura bitartean Ermua Antzokiko kultur agenda bihar - hilak 15-hasiko da denboraldiko lehen ikuskizunarekin. Opera baten proiekzioa da, eta Rossiniren "El barbero de Sevilla" aukeratu dute horretarako.

Sarrerak 8 euro balio du, eta Lobiano Kultur Gunean, Kutxabanken webgunean edo zerbitzu anitzeko kutxazainen sarean edo ikuskizuna hasi baino ordubete lehenagotik eskura daiteke.

Piezaren hainbat datu

'Sevillako bizargina' (jatorrizko izenburua italieraz: "Il barbiere di Siviglia") bi ekitaldiko opera bufa bat da, Gioachino Rossiniren musikarekin eta Cesare Sterbiniren libretoarekin, Pierre-Augustin de Beaumarchaisen izen bereko komedian oinarritua (1775). 1816ko otsailaren 20an estreinatu zen, Almaviva izenburupean, Erromako Argentina Antzokian.

Tramak Almavivako kondeak eta Rosina umezurtz gazteak osatutako maitemindu bikote baten gorabeherak kontatzen ditu. Bartolok, neskaren irakasleak, hori ere nahi du, nahiz eta adinean aldea izan. Hori saihesteko, bikoteak Figaro bizarginaren laguntzaz baliatzen da. Honek, korapiloen bidez, Bartolo engainatzen du eta maiteminduak ezkontzea lortzen du. Operan hiru aria nabarmentzen dira: Largo al factotum, Una voce poco fa eta La calunnia.