Ehun eta hirurogeita zazpi pertsonek parte hartu dute 2026rako aurrekontu parte-hartzaileen prozesuan

Guztira, ehun eta hirurogeita zazpi (167) pertsonek parte hartu dute eta berrehun eta hirurogeita hamar (270) proposamen aurkeztu dituzte 2026ko aurrekontu parte-hartzaileen prozesuko lehen fasean. Prozesu hori oraintsu amaitu da, martxo osoan zehar irekita egon ondoren. Jasotako agiriak udal alorren esku daude dagoeneko, aztertu eta bideragarritasun-azterketa egiteko. Apirilean zehar Udalak proposamen guztiak aztertuko ditu. Teknikoki zein ekonomikoki bideragarriak diren proposamenak maiatzaren 19tik 30era bitartean bozkatu ahal izango dituzte ermuarrek. Babes handiena lortzen duten proposamenak datorren 2026ko aurrekontuan sartuko dira.

Parte-hartzaile guztietatik 123k bidali dute inprimakia paperean, eta beste 44k bete dute onlinekoa. Adinaren arabera, 30 eta 64 urte bitarteko taldea izan da aktiboena, ehun parte-hartzailerekin. 65 urtetik gorakoen artean, 59k parte hartu dute, eta 18 eta 29 urte bitartekoen artean, berriz, 8k aurkeztu dituzte proposamenak.

Udal honek parte hartu eta proposamenak bidali dituzten pertsona guztien lana eta konpromisoa eskertu nahi du. Guztion ekarpenak Ermua hobea lortzeko balioko du.